SI DAREDEVIL AT APAT NA BATANG MAKULIT BIDA SA 3RD WEEK NG OCTOBER 2018

Ang pinakabida sa linggong ito ay ang bagong season ng Daredevil. Isang episode pa lang ang napapanood ko and I'm hoping na makabawi ang season na ito sa medyo ho-hum na season 2. It's a good thing na si Kingpin muli ang main bad guy, the best villain in the Netflix side of the Marvel Universe. Well, 2nd best. Number one baddie is still Kilgrave sa Season 1 ng Jessica Jones.

May new season din ng Black Lightning pero weekly ang pagdating ng bagong episodes, di isang bagsakan lang.

May dalawang bagong Netflix original foreign movies ang nagdebut at pareho kong nagustuhan.

Ang una ay ang Indonesian film na The Night Comes For Us na tungkol sa isang Triad syndicate member na bumaligtad para iligtas ang isang batang babae sa ginawang masaker ng kanilang grupo. Hitik sa brutal na fight scenes ito at maiibigan ito ng mga action film fans.

Maganda rin naman ang Korean futuristic noir na Illang: The Wolf Brigade.  Sa near future, isang grupo ang binuo para kalabanin ang mga teroristang hindi pabor sa unification ng North at South Korea. Ang problema, may dinadalang mabigat ang grupo mula sa isang aksidenteng kinasangkutan nila.

Isang bagong comedy series ang nagdebut din this week, ang Best. Worst. Weekend. Ever. Oo, iyan talaga ang title. Tungkol ito sa tatlong magkaibigan na fan ng isang comicbook na nais ma-meet ang kanilang idolong comic writer.

Siyempre, Halloween month kaya may katatakutan ding programa. Ito ang Haunted. Ikukuwento rito ng iba-ibang mga tao na naranasan nilang mga kababalaghan. Parang Gabi Ng Lagim ng KMJS ang style ng show nito.

Mga bagong movies na nadagdag nitong week ay ang Child's Play 3, The Incredible Hulk, Snow White and The Huntsman, Bean: The Movie, Les Miserables, Couples Retreat, Dr. Seuss' The Lorax, Eternal Sunshine of the Spotless Mind, This is 40, Savages, Contraband, Public Enemies, American Gangster, Bridget Jones' Diary, Along Came Polly at ilang American Pie movies. May bagong season ng Vampire Diaries at meron pang isangkaterbang mga Koreanovela!

NEW TO NETFLIX: OCTOBER 8 TO 15

Dahil produktong Kano ang Netflix, siyempre kailangan may Halloween feels ang mga palabas nila ngayong October.

Una na ang pelikulang Apostle. Ang taon ay 1905, at isang lalaki ang pupunta sa isla ng isang kulto upang iligtas ang babaing kapatid na kinidnap ng mga cult leaders. Ngunit isang nakapapangilabot na sikreto ng isla ang mabubunyag.

Sunod naman ang Errementari: The Blacksmithand The Devil.  Gawa itong pelikula sa Basque at tungkol naman sa isang panday na meron ding nakakapangilabot na sikreto na mabubunyag naman ng isang batang babae.

Para maiba naman, subukang panoorin ang The Curious Creations of Christine McConnell. Para itong pinaghalong Martha Stewart, Sesame Street at Addams Family. Panoorin nyo at nakakatawa. Pero hindi siya pambata ha?

Available na rin ang Rogue One: A Star Wars Story. Hindi naman siya scary movie pero pwedeng gawing Halloween costumes ang mga characters.

At para sa mga Arrowverse fans, may bagong seasons ang Arrow, Flash, Supergirl at Legends of Tomorrow.

NEW TO NETFLIX: FIRST WEEK OF OCTOBER

Maraming nag-debut na Netflix originals this week lalo na noong October 4. 

Ang pinakanagustuhan ko ay ang dramedy na Private Life. Tungkol ito sa may-edad na mag-asawa na hindi magka-anak. Matapos mag-fail sa IVF naisipan nilang humingi ng donor egg sa kanilang pamangkin. Magaling ang pagkakaganap ng mga beteranong sina Paul Giammati, Kathryn Hann at Saturday Night Live alumnus Molly Shannon.

I was expecting to watch the docuseries Empire Games, tungkol sa ancient empires, at ang horror movie na Malevolent. Kaya lang hindi sila available kahit na Netflix original sila.

Other noteworthy debutantes this week include :

Creeped Out - isang horror anthology series para sa older kids. Parang Are You Afraid of the Dark or Eerie Indiana nung 90s. Or you can call it Black Mirror Junior.

Meat Eater - isa itong reality show tungkol sa isang gamehunter. Vegans beware!

The Rise of Phoenixes - isang power struggle ang nagaganap sa China sa panahon ng Tiansheng dynasty. 60 episodes ito!

Operation Finale - noong 60s, isang grupo ng mga Israeli agents ang magtatangkang hulihin ang isang Nazi war criminal.

Meron ding magagandang panoorin mula sa other content providers. Para sa kids ang Coraline at Babe. For mature viewers naman ang EdTV, Red Dragon at 12 Monkeys. Nandiyan din ang season 5 ng Prison Break at season 4 ng Gotham.